काठमाडौँ । नेपाल राष्ट्र बैंकले आज शनिबारका लागि विदेशी मुद्राको नयाँ विनिमय दर निर्धारण गरेको छ। केन्द्रीय बैंकले सार्वजनिक गरेको पछिल्लो विवरण अनुसार अमेरिकी डलर, युरो र पाउन्ड स्टर्लिङ लगायतका प्रमुख वैदेशिक मुद्राहरूको विनिमय दरमा केही वृद्धि देखिएको छ। आजका लागि अमेरिकी डलर एकको खरिददर १४४ रुपैयाँ ७६ पैसा र बिक्रीदर १४५ रुपैयाँ ३६ पैसा कायम गरिएको छ। त्यस्तै, युरोपियन युरोको खरिददर १७० रुपैयाँ ७० पैसा र बिक्रीदर १७१ रुपैयाँ ४१ पैसा तोकिएको छ भने यूके पाउन्ड स्टर्लिङको खरिददर १९६ रुपैयाँ ७२ पैसा र बिक्रीदर १९७ रुपैयाँ ५४ पैसा रहेको छ।
अन्य प्रमुख मुद्राहरूमा अष्ट्रेलियन डलर एकको खरिददर १०१ रुपैयाँ ०१ पैसा र बिक्रीदर १०१ रुपैयाँ ४३ पैसा तोकिएको छ। क्यानेडियन डलरको खरिददर १०५ रुपैयाँ ७८ पैसा र बिक्रीदर १०६ रुपैयाँ २२ पैसा रहेको छ भने सिङ्गापुर डलरको खरिददर ११३ रुपैयाँ ६८ पैसा र बिक्रीदर ११४ रुपैयाँ १६ पैसा कायम गरिएको छ। त्यस्तै, चिनियाँ युआन एकको खरिददर २० रुपैयाँ ८६ पैसा र बिक्रीदर २० रुपैयाँ ९५ पैसा तथा जापानी येन १० को खरिददर नौ रुपैयाँ २२ पैसा र बिक्रीदर नौ रुपैयाँ २६ पैसा रहेको छ।
खाडी मुलुकका मुद्राहरूमा साउदी अरेबियन रियालको खरिददर ३८ रुपैयाँ ६० पैसा र बिक्रीदर ३८ रुपैयाँ ७६ पैसा कायम भएको छ। कतारी रियाल एकको खरिददर ३९ रुपैयाँ ६१ पैसा र बिक्रीदर ३९ रुपैयाँ ७७ पैसा, युएई दिरामको खरिददर ३९ रुपैयाँ ४१ पैसा र बिक्रीदर ३९ रुपैयाँ ५८ पैसा तथा मलेसियन रिङ्गेटको खरिददर ३६ रुपैयाँ ६७ पैसा र बिक्रीदर ३६ रुपैयाँ ८२ पैसा तोकिएको छ। कुवेती दिनार आज पनि सबैभन्दा महँगो मुद्राको रूपमा रहेको छ, जसको बिक्रीदर प्रति दिनार ४७५ रुपैयाँ ६५ पैसा पुगेको छ। भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा यथावत रहेको छ। बैंकले यो दरलाई आवश्यकता अनुसार जुनसुकै समयमा पनि संशोधन गर्न सक्ने र वाणिज्य बैंकहरूमा भने केही फरक दर हुन सक्ने जनाएको छ।
