काठमाडाैं । ताप्लेजुङको कञ्चनजंघा आसपास केन्द्रविन्दु भएर आज बिहान भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार बिहान २ बजेर ४७ मिनेट जाँदा ४ म्याग्निच्युडको भूकम्प रेकर्ड गरिएको हो।

नेपाल–भारत सीमा क्षेत्र नजिकै केन्द्रविन्दु रहेको उक्त भूकम्पको धक्का ताप्लेजुङसहित पूर्वी नेपालका विभिन्न जिल्लाहरूमा महसुस गरिएको थियो।

मध्यरातमा गएको भए तापनि यस भूकम्पबाट हालसम्म कुनै भौतिक क्षति वा मानवीय चोटपटकको विवरण प्राप्त नभएको केन्द्रले जनाएको छ।