काठमाडौँ– गायक एवं संगीतकार दीप श्रेष्ठलाई कोरोना भाइरस संक्रमण भएको छ ।
स्वास्थ्यमा सामान्य समस्या आएपछि अस्पताल भर्ना भएका श्रेष्ठलाई पीसीआर परीक्षण गर्दा कोभिड–१९ संक्रमण पुष्टि भएको गायक प्रमोद खरेलले जानकारी दिए ।
श्रेष्ठको अहिले काठमाडौंको हाम्स् अस्पतालमा उपचार भइरहेको छ । गायकल खरेलले श्रेष्ठको उपचारमा खटिएका चिकित्सक एवं स्वास्थ्यकर्मी धन्यावाद दिँदै श्रेष्ठको स्वास्थ्य लाभको कामना गरेका छन् ।
श्रेष्ठ फ्रेन्चाइज टेलिभिजन कार्यक्रम ‘द भ्वाइस अफ नेपाल’ का कोचसमेत छन् । नेपाली आधुनिक गायनका अग्रणी गायक श्रेष्ठ पाँच दशक भन्दा बढी समयदेखि निरन्तर संगीत साधनामा छन् । उनले नेपाली संगीतका लागि एउटा नौलो शैली दिएका छन् । दीप श्रेष्ठका ‘बितेका कुराले’, कति कमजोर रहेछ भाग्य,’ तिमी टाढा हुन्छौ जति,’ ‘हर रात सपनीमा ऐठन हुन्छ,’ लगायतका गीत चर्चित छन् ।
