काठमाडौँ । नेपाली बजारमा सुनको मूल्य आज बुधबार सामान्य घटेको छ। नेपाल सुनचाँदी व्यवसायी महासङ्घका अनुसार हिजोको तुलनामा सुनको मूल्य प्रतितोला ८०० रुपैयाँले घटेको हो।
महासंघले आजका लागि तय गरेको दरभाउअनुसार छापावाल सुनको मूल्य प्रतितोला ३ लाख ५ सय रुपैयाँ कायम गरिएको छ। मंगलबार सुन प्रतितोला ३ लाख १ हजार ३ सय रुपैयाँमा कारोबार भएको थियो। त्यस्तै, आज १० ग्राम सुनको मूल्य २ लाख ५७ हजार ६ सय ३० रुपैयाँ तोकिएको छ।
सुनसँगै आज चाँदीको मूल्यमा पनि सामान्य गिरावट आएको छ। महासङ्घका अनुसार आज चाँदी प्रतितोला ३० रुपैयाँले घटेर ५ हजार १३० रुपैयाँमा कारोबार भइरहेको छ। हिजो चाँदीको मूल्य प्रतितोला ५ हजार १६० रुपैयाँ रहेको थियो। आज १० ग्राम चाँदीको मूल्य ४ हजार ३ सय ९८ रुपैयाँ कायम भएको महासंघले जनाएको छ। अन्तर्राष्ट्रिय बजारमा हुने उतारचढावका आधारमा महासंघले नेपाली बजारमा दैनिक सुनचाँदीको मूल्य निर्धारण गर्दै आएको छ।
