काठमाडौं । रिलायन्स स्पिनिङ मिल्सले आजदेखि बिक्रि खुला गरेकाे आईपीओमा एकैदिन झण्डै ६ गुणा बढी आवेदन परेको छ ।
कम्पनीले आजदेखि सर्वसाधारणका लागि ९ लाख २४ हजार ७६८ कित्ता आईपीओ निष्काशन गरेकाे हाे । उक्त आईपीओमा पहिलो दिनमै मागभन्दा ५.८४ गुणा बढी आवेदन परेको छ ।
सोमबार आवेदन खुला भएको ४० मिनेटमै रिलायन्सको आईपीओ ‘ओभर सब्सक्राइब’ भएको थियो । सोमबार बेलुका ५ बजेसम्म आईपीओमा ५३ लाख ९८ हजार १०० कित्ता माग भएको सीडीएससीले जनाएकाे छ ।
साँझ ५ बजेसम्म १ लाख ९ सय १७ जनाले सो संख्यामा सेयर माग गरेका हुन् । आवेदन दिएको सेयरको कुल मूल्य ४ अर्ब ४३ करोड ७ लाख ६० हजार रूपैयाँ हुन्छ । यो आईपीओ ५०-५० कित्ताका दरले १८ हजार ४ सय ९५ जनालाई पर्नेछ ।
