काठमाडाैं । सरकारले गत भदाै २३ र २४ गते काे दमन र आगजनीबारे जाँचबुझ गर्न गठन गरेकाे आयोगले तत्कालीन प्रधानमन्त्री केपी शर्मा ओली र गृहमन्त्री रमेश लेखकलाई बयानका लागि बाेलाउने भएकाे छ ।
आयोगले कम्तीमा पनि एक साताको समय दिने गरी बयानका लागि पत्र पठाउने तयारी गरेकाे हाे ।
तत्कालीन सरकारको नेतृत्व र शान्ति सुरक्षाको जिम्मेवारीमा रहेका गृहमन्त्रीलाई डाक्नेछौं’ जाँचबुझ आयोगका सदस्य एवं प्रवक्ता विज्ञानराज शर्माले बताए । उनीहरूलाई पत्र पठाइने छ ।
अहिले आयोगले काठमाडौंका तत्कालीन प्रमुख जिल्ला अधिकारी छविराज रिजालको बयान गरिरहेको छ भने अहिलेका आईजीपी एवं तत्कालीन एआईजी दानबहादुर कार्कीको बयानको केही भाग बाँकी छ ।
यता पूर्वप्रधानमन्त्री ओलीले आफू जाँचबुझ आयोगमा बयान दिन नजाने भन्दै त्यसबापत गिरफ्तार हुनुपरे आफू तयार रहेको र बयान नदिएकै कारण आफूलाई गोली नै हाने पनि हुने अभिव्यक्ति दिएका छन् ।
