काठकाडौं । नेपाली बजारमा लगातार बढेको सुनको मूल्यले नयाँ रेकर्ड बनाउने क्रम जारी छ । आज पनि सुनको मूल्य बढेर इतिहासकै उच्च बिन्दुमा पुगेको छ ।
आज एकैदिन सुनको मूल्य तोलामा ५ हजार ५०० रूपैयाँले बढेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य २ लाख ६७ हजार २०० रूपैयाँ पुगेको छ ।
हिजो ३४ सय रूपैयाँले बढेर सुनको मूल्य २ लाख ६१ हजार ७०० रूपैयाँ पुगेको थियो ।
यस्तै आज चाँदीको मूल्य पनि तोलामा २० रुपैयाँले बढेको छ । सोमबार प्रतितोला ४ हजार २ सय ३५ रुपैयाँमा कारोबार भएको चाँदी आज ४ हजार २ सय ५५ रूपैयाँ निर्धारण भएको महासंघले जनाएको छ ।
