काठमाडौँ । गृहमन्त्री सुधन गुरुङ तीन दिने भारत भ्रमण सकेर स्वदेश फर्किएका छन् । बिम्स्टेक गृहमन्त्रीस्तरीय प्रथम बैठकमा सहभागी हुन नयाँ दिल्ली पुगेका उनी बुधबार साँझ काठमाडौँ आइपुगेका हुन् ।
भ्रमणका क्रममा गृहमन्त्री गुरुङले भारतीय समकक्षी अमित शाहसँग द्विपक्षीय भेटवार्ता गरेका थिए । भेटमा दुई देशका साझा सुरक्षा चासोका विषयमा समन्वय र सहकार्य सुदृढ गर्ने विषयमा छलफल भएको गृह मन्त्रालयले जनाएको छ ।
बिम्स्टेक गृहमन्त्रीस्तरीय बैठकमा क्षेत्रीय सुरक्षा सहकार्य र आपसी समन्वयका विषयमा छलफल भएको थियो ।
