काठमाडौं । गोरखाको बुढीगण्डकी नदीमा आएको बाढीमा फसेका ४९ जनाको नेपाली सेनाले उद्धार गरेको छ । सेनाले आइतबार सूचना जारी गर्दै उद्धार गरिएको जानकारी दिएको हो ।

सेनाका ४ वटा हेलिकप्टर र स्थलमार्गबाट खटिएको सुरक्षा टोलीले ती व्यक्तिको उद्धार गरेको हो । हवाई र स्थल दुवै माध्यम परिचालन गरेर उद्धार कार्य सञ्चालन गरिएको सेनाले जनाएको छ ।

अहिले अन्य सुरक्षा निकाय तथा सरोकारवालासँगको समन्वयमा थप खोज तथा उद्धारको काम भइरहेको सेनाले जनाएको छ ।