काठमाडौं । गत भदौ २३ र २४ गते भएको जेनजी आन्दोलनको क्षतिको छानबिन गर्न गठित जाँचबुझ आयोगले तत्कालीन गृहमन्त्री रमेश लेखकलाई पत्र पठाएको छ ।
मंगलबार आयोगले बयान दिन आउन भन्दै पत्राचार गरेको हो । बयानमा नआए कानुनी कारबाही अघि बढाइने आयोगले जनाएको छ ।
लेखकलाई बयानमा आउन करिब एक साताको समय दिने आयोगको तयारी छ । त्यसपछि प्रक्रिया अगाडि बढाइने छ ।
तत्कालीन प्रधानमन्त्री एवं नेकपा एमालेका अध्यक्ष केपी शर्मा ओलीलाई भने पत्राचार गरिएको छैन।
गएको भदौ २३ र २४ गतेको जेनजी आन्दोलनपछि गठित अन्तरिम सरकारले त्यसक्रममा भएको मानवीय तथा भौतिक क्षतिको छानबिन गर्न आयोग बनाएको थियो ।
