काठमाडौँ । सरकारले गोरखापत्र संस्थानको महाप्रबन्धकमा हिक्मत बहादुर रावललाई नियुक्त गरेको छ। बिहीबार बसेको मन्त्रिपरिषद् बैठकले सञ्चार तथा सूचना प्रविधि मन्त्रालयको सिफारिसमा कैलालीका रावललाई उक्त पदमा नियुक्त गर्ने निर्णय गरेको हो।
मन्त्रिपरिषद् बैठकका निर्णयहरू सार्वजनिक गर्दै सरकारका प्रवक्ता सस्मित पोखरेलले उक्त जानकारी दिएका हुन्। सञ्चार क्षेत्रमा लामो समयदेखि चासो राख्ने रावलको प्रवेशसँगै राष्ट्रिय सञ्चारमाध्यम गोरखापत्रको व्यवस्थापकीय तथा संस्थागत सुधारमा महत्त्वपूर्ण योगदान पुग्ने अपेक्षा गरिएको छ।
यसैगरी, सोही मन्त्रिपरिषद् बैठकले सुरक्षण मुद्रण केन्द्र (कोष) को कार्यकारी निर्देशकमा देवराज ढुङ्गानालाई नियुक्त गर्ने निर्णय पनि गरेको छ। मोरङ निवासी ढुङ्गानालाई सरकारले महत्त्वपूर्ण प्राविधिक तथा प्रशासनिक जिम्मेवारी सुम्पिएको हो।
