काठमाडौं । नेपाली बजारमा शुक्रबार पनि सुनको मूल्यले नयाँ रेकर्ड बनाएको छ। लगातार बढिरहेको सुनको मूल्य आज तोलामा १८०० रूपैयाँ बढेर हालसम्मकै उच्च विन्दुमा पुगेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला दुई लाख ६९ हजार तीन सय रूपैयाँ पुगेको छ। हिजो सामान्य घटेको सुनको मूल्य प्रतितोला २ लाख ६७ हजार ५०० रुपैयाँमा कारोबार भएको थियो ।
यसअघि गत बुधबार पनि हालसम्मकै उच्च मूल्यमा सुनको कारोबार भएको थियो। उक्त दिन सुन प्रतितोला दुई लाख ६८ हजार एक सय रूपैयाँमा कारोबार भएको थियो।
यस्तै, शुक्रबार चाँदीको मूल्य पनि १६५ बढेको छ। बिहीबार तोलामा ४ हजार ४०० रूपैयाँमा कारोबार भएको चाँदी शुक्रबार ४ हजार ५ सय ६५ रूपैयाँमा कारोबार भइरहेको छ।
