काठमाडाैं । नेपाली बजारमा साताको पहिलो दिन आइतबार सुन र चाँदी दुवैको मूल्यमा उच्च वृद्धि भएको छ। गत शुक्रबारको तुलनामा सुनको भाउ प्रतितोला ५ हजार ६०० रुपैयाँ र चाँदीको भाउ ३७५ रुपैयाँले बढेको हो।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ३ लाख १० हजार ३०० रुपैयाँ कायम गरिएको छ। गत शुक्रबार सुनको मूल्य प्रतितोला ३ लाख ४ हजार ७०० रुपैयाँमा स्थिर रहेको थियो।
सुनसँगै चाँदीको मूल्यमा पनि उल्लेख्य बढोत्तरी देखिएको छ। शुक्रबार प्रतितोला ५ हजार ५० रुपैयाँमा खरिदबिक्री भएको चाँदीको मूल्य आज ह्वात्तै बढेर ५ हजार ४२५ रुपैयाँ पुगेको महासंघले जनाएको छ।
