काठमाडाैं । सोमबार पनि नेपाली बजारमा सुन र चाँदीको मूल्य बढेर नयाँ रेकर्ड बनाएकाे छ । आज सुन प्रतितोला ४ हजार १०० रुपैयाँ र चाँदीको मूल्यले तोलामा २०५ रुपैयाँ बढेको छ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ७४ हजार ७०० रुपैयाँमा कारोबार भइरहेको छ । हिजाे छापावाल सुन प्रतितोला २ लाख ७० हजार ६०० रुपैयाँमा कारोबार भएको थियो।
त्यस्तै, आज चाँदीको मूल्य प्रतितोला २०५ रुपैयाँले बढेर निरन्तर दोस्रो दिन रेकर्ड बनाएको हो ।
हिजाे ४ हजार ९९० रुपैयाँमा खरिद–बिक्री भएको चाँदी आज प्रतितोला ५ हजार १९५ रुपैयाँमा कारोबार भइरहेको महासंघले जनाएकाे छ।
