काठमाडौँ । जल तथा मौसम विज्ञान विभागका अनुसार बिहीबार देशका हिमाली र पहाडी भू-भागमा साधारणतया बदली रहनेछ भने तराईका भू-भागमा आंशिक बदली हुनेछ। केही पहाडी क्षेत्रमा भारी वर्षाको समेत सम्भावना रहेको छ।
दिउँसो देशका हिमाली र पहाडी भू-भागका केही स्थानमा मध्यमसम्मको वर्षा र हिमपात हुनेछ। कोशी, बागमती, गण्डकी र लुम्बिनी प्रदेशका तराई भू-भागका थोरै स्थान तथा मधेश र सुदूरपश्चिम प्रदेशका तराई भू-भागका एक-दुई स्थानमा मध्यमसम्मको वर्षाको सम्भावना छ।
राति देशभर साधारणतया बदली रहनेछ। कोशी, बागमती र गण्डकी प्रदेशका हिमाली र पहाडी भू-भागका धेरै स्थानमा तथा अन्य प्रदेशका केही स्थानमा वर्षा र हिमपातको सम्भावना छ। विशेषगरी कोशी, बागमती र गण्डकी प्रदेशका पहाडी भू-भागका एक-दुई स्थानमा भारी वर्षाको पनि सम्भावना रहेको मौसम पूर्वानुमान महाशाखाले जनाएको छ।
