काठमाडौँ । नेपाली घरमा पनिर भोजनको अभिन्न अङ्ग बनेको छ । तर, बजारमा मिसावट भएको वा कमसल पनिर बिक्रीका खबर पनि बेलाबेलामा आइरहेका छन् । सक्कली र नक्कली पनिर छुट्याउन केही सरल घरेलु उपायहरू अपनाउन सकिन्छ।
१. बनावट: सक्कली पनिर सामान्यतया नरम तर थोरै कडा हुन्छ । थिच्दा यो सजिलै भाँचिँदैन । रबरजस्तो वा असामान्य रूपमा चिल्लो छ भने शङ्कास्पद हुन सक्छ ।
२. रङ: राम्रो गुणस्तरको पनिर सामान्यतया सेतो वा हल्का क्रिमी हुन्छ । धेरै चम्किलो सेतो वा पहेँलो रङको देखिन्छ भने सावधान रहनुहोस् ।
३. तताएर हेर्ने: सक्कली पनिरलाई तताउँदा नरम हुन्छ । तताउँदा रबरजस्तो हुन्छ भने नखानु नै बेस हुन्छ ।
४. स्वाद र गन्ध: ताजा पनिरमा हल्का, प्राकृतिक दूधजस्तो बास्ना आउँछ । अमिलो वा बासी गन्ध छ भने किन्नु हुँदैन ।
५. प्याकेज जाँच: प्याकेट फुलेको, च्यातिएको वा चुहावट भइरहेको छ भने नकिन्नुहोस् ।
