बीबीसीको एक सय प्रतिभाशाली महिलाको सूचीमा परेकी सपना रोका मगरलाई अभद्र व्यवहार तथा सामाजिक सञ्जालमा गालीगलौज गरेको मुद्दामा पक्राउ परेका विनयजंग बस्नेत धरौटीमा छुटेका छन् ।
जिल्ला अदालत काठमाडौँले बस्नेतलाई ५० हजार रुपैयाँ धरौटीमा छाड्न आदेश दिएको हो । २४ दिन हिरासतमा बसेका बस्नेतलाई बुधबार अदालतले यस्तो आदेश दिएको हो ।अदालतले उनीसँग अभद्र व्यवहारमा १० हजार र साइबर अपराधको मुद्दामा ४० हजार रुपैयाँ धरौटी मागेको हो ।सपनाले गत माघ १९ गते विनयविरुद्ध प्रहरी परिसर काठमाडौंमा जाहेरी दिएकी थिइन् । त्यसपछि प्रहरीले उनलाई काठमाडौँको गोंगबुबाट फागुन ४ गते पक्राउ गरेको थियो ।
