काठमाडौँ । नेपाली कांग्रेसको १५औँ महाधिवेशनका लागि कुल मतदाता (महाधिवेशन प्रतिनिधि) संख्या ७ हजार ११४ निर्धारण गरिएको छ। पार्टीको केन्द्रीय निर्वाचन समितिले सार्वजनिक गरेको विवरण अनुसार यसपटक १४औँ महाधिवेशनको तुलनामा २ हजार ३७१ जना बढी मतदाता रहेका छन्।
यसअघि सम्पन्न १४औँ महाधिवेशनमा कांग्रेसका कुल मतदाता ४ हजार ७४३ जना रहेका थिए। पार्टी विधान र सांगठनिक संरचना विस्तारसँगै महाधिवेशन प्रतिनिधिहरूको संख्या उल्लेख्य रूपमा बढेको जनाइएको छ।
यसैगरी, पार्टीका कुल क्रियाशील सदस्यहरूको संख्या पनि बढेर ९ लाख ६९ हजार ८४२ पुगेको छ। १४औँ महाधिवेशनताका ८ लाख ७० हजारको हाराहारीमा रहेको क्रियाशील सदस्य संख्यामा यसपटक करिब १ लाख सदस्य थपिएका हुन्।
