जलेश्वर,भारतवाट आएका ४० जना सरसामान सहित क्वारेन्टिनवाट भागेका छन्।सम्सी गाउँपालिकास्थित महोत्तरी जिल्लाका क्वारेन्टिनबाट सरसामान सहित ४० जना फ’रार भएका छन् भारतका विभिन्न शहरबाट आएर १४–१५ दिनदेखि सम्सी– ७ स्थित जनता माविमा सञ्चालित क्वारेन्टिनमा बस्दै आएका थिए। आएका ४५ मध्येका उनीहरु क्वारेन्टिनमा आफूहरुलाई दिइएको सरसामान लिएर भागेको क्वारेन्टिन इञ्चार्ज सुनिलकुमार यादवले बताउनुभयो ।
उनीहरु छिमेकी गैंढा, भेंटपुर, पोखरभिण्डा, संग्रामपुर र सम्सी गाउँका हुन् । उनीहरु क्वारेन्टिनबाट भागेको जानकारी लिखित रुपमै गाउँपालिका, वडा कार्यालय र प्रहरीचौकी दिइसकिएको भए पनि अहिलेसम्म खोज्न कुनै पहल नभएको यादवले बताउनुभयो ।क्वारेन्टिन व्यवस्थापनमा सेना
भद्रपुर ।झापाको चार स्थानीय तहका क्वारेन्टिनको व्यवस्थापनमा नेपाली सेना खटिएको छ । जिल्ला सुरक्षा समितिको निर्णयानुसार नेपाली सेनाको २१ नम्बर बाहिनी केर्खाको टोलीले चार स्थानका क्वारेन्टिनको सुरक्षा र व्यवस्थापनको नेतृत्व सम्हालेको हो ।सो बाहिनीका बाहिनीपति डा आशबहादुर तामाङका अनुसार मेची बहुमखी क्याम्पस, कलबलगुडी, कचनकवल र मेचीनगरमा सेनाको टुकडी रहेको छ ।
भद्रपुरस्थित कलबलगुढीमा लामो समयदेखि व्यवस्थापन हेरिरहेको नेपाली सेनाले कचनकवल गाउँपालिका र पूर्वी नाका काँकडभिट्टामा केही दिनदेखि व्यवस्थापकीय सेवा प्रदान गर्न थालेको हो ।सरकारले देशभरका २० नाकामध्ये काँकडभिट्टाबाट भारतमा रहेका नेपालीलाई फर्कन खुला गरेपछि त्यसलाई व्यवस्थित र सुरक्षित बनाउने उद्देश्यले नेपाली सेनालाई परिचालन गरेको हो ।
उहाँले नेपाल प्रहरी, सशस्त्र प्रहरी र जनप्रतिनिधिसँगै मिलेर नेपाली सेनाले कोडिभ–१९ को सङ्क्रमण रोकथाम तथा नियन्त्रणमा काम गरिरहेको बताउनुभयो ।सीमामा नेपाल प्रहरी र सशस्त्र प्रहरी नै रहने तथा काँकडभिट्टा माविस्थित होल्डिङ सेन्टरमा स्वाथ्यकर्मी, जनप्रतिनिधिसहितको टोलीसँगै रहेर स्वास्थ्य जाँच, व्यवस्थापनमा सेनाको टोलीले सहयोग गरिरहेको उहाँले बताउनुभयो ।
सीमा क्षेत्रबाट भित्रिने सबै नेपालीलाई होल्डिङ सेन्टरमा ल्याएर ज्वरो नाप्ने र आरटिडी गर्ने काम भइरहेको छ । नेपाली सेनाले स्वास्थ्य परीक्षण र अभिलेखको काम गरिरहेको छ । बाहिनीपति डा तामाङले काँकडभिट्टा र कचनकवलस्थित सेना टुकडीको अनुगमन तथा अवलोकन गर्नुभएको छ । सो अवसरमा उहाँले क्वारेन्टिनलाई मापदण्डअनुरुप बनाउन तथा त्यसको व्यवस्थापन गर्न र सुरक्षा व्यवस्थालाई थप प्रभावकारी बनाउन निर्देशन दिनुभयो ।
