काठमाडौँ । नेपाली बजारमा आज सुन र चाँदीको मूल्यमा उल्लेख्य वृद्धि भएको छ। स्थानीय बजारमा सुनको मूल्य प्रतितोला ९ हजार ३०० रुपैयाँ र चाँदीको मूल्य प्रतितोला २६० रुपैयाँले बढेको हो।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला ३ लाख १३ हजार ४०० रुपैयाँ कायम भएको छ। त्यस्तै, असली चाँदीको मूल्य प्रतितोला ४ हजार ८५५ रुपैयाँ निर्धारण गरिएको छ।
यसअघि हिजो छापावाल सुन प्रतितोला ३ लाख ४ हजार १०० रुपैयाँ र असली चाँदी प्रतितोला ४ हजार ५९५ रुपैयाँमा कारोबार भएको थियो।
अन्तर्राष्ट्रिय बजारमा मूल्य बढेसँगै त्यसको प्रत्यक्ष प्रभाव नेपाली बजारमा पनि परेको व्यवसायीहरूले बताएका छन्। अन्तर्राष्ट्रिय बजारमा आज प्रतिऔँस सुन चार हजार ५१२ अमेरिकी डलर र चाँदी ६७ अमेरिकी डलर हाराहारीमा कारोबार भइरहेको छ।
