काठमाडौं । पेट्रोलियम पदार्थको मूल्य बढेकाे छ। नेपाल आयल निगमले सोमबार बिहान १ बजेदेखि लागु हुने गरि पेट्रोलमा १ रुपैयाँ तथा डिजेल र मट्टीतेलमा प्रतिलिटर ३ रुपैयाँ मात्र बढाउने निर्णय गरेको हो।
नयाँ दरअनुसार अब तेस्रो वर्गअन्तर्गत पर्ने काठमाडौं, पोखरा र दिपायलमा पेट्रोलको मूल्य प्रतिलिटर १५७ रुपैयाँ र डिजेल/मट्टीतेलको मूल्य १४२ रुपैयाँ पुगेको छ।
त्यस्तै, दोस्रो वर्गका सुर्खेत र दाङमा पेट्रोल १५६ र डिजेल १४१ रुपैयाँ कायम गरिएको छ भने पहिलो वर्गका तराईका क्षेत्रहरूमा पेट्रोल १४५.५० र डिजेल १३१.५० रुपैयाँमा उपलब्ध हुने निगमले जनाएको छ।
