काठमाडौं । नेपाली बजारमा साताको अन्तिम दिन शुक्रबार सुनको मूल्यमा गिरावट आएको छ भने चाँदीको मूल्यमा वृद्धि देखिएको छ। अघिल्लो दिन बिहीबार तोलामा ६ सय रुपैयाँले उकालो लागेको सुनको भाउ आज भने प्रतितोला ५ सय रुपैयाँले ओरालो लागेको हो।
नेपाल सुनचाँदी व्यवसायी महासंघले सार्वजनिक गरेको विवरण अनुसार आज छापावाल सुनको मूल्य प्रतितोला ३ लाख १४ हजार ९ सय रुपैयाँ निर्धारण गरिएको छ। यसअघि हिजो बिहीबार बजारमा सुन प्रतितोला ३ लाख १५ हजार ४ सय रुपैयाँमा कारोबार भएको थियो।
त्यसैगरी, आज चाँदीको मूल्यमा भने सामान्य वृद्धि भएको छ। महासंघका अनुसार चाँदीको भाउ तोलामा १५ रुपैयाँले बढेर आज प्रतितोला ५ हजार ७४० रुपैयाँ कायम भएको छ। हिजो चाँदीको मूल्य प्रतितोला ५ हजार ७२५ रुपैयाँमा खरिदबिक्री भएको थियो।
